Ons eredienste is die plek waar die groter geloofsfamilie weekliks fisies en aanlyn byeenkom. Waar ons in ‘n gemaklike omgewing saam met ons musiek groepe God se Naam eer! Dis waar ons geloofsfamilie saam uitdrukking gee aan ons afhanklikheid van God.
Die primêre geestelik versorging vind ook in omgeegroepe en ander klein groepe plaas. Die gemeente het ’n groot aantal bedienings en soos nuwe inisiatiewe na vore kom, word nuwe bedienings geskep. Jy is tuis. Kom word toegerus om met jou unieke gawes mee te werk aan die uitbreiding van God se koninkryk.

Wil jy ‘n verskil maak in mense se lewens? Pellissier ondersteuningsbedienings doen juis dit: maak tasbare verskille vir mense wat dit die nodigste het.
Ons kosmandjie bediening verpak en gee maandeliks kospakkies uit wat voorsien in die voedings behoeftes van ‘n huishouding. Ons voorsien jaarliks vir ongeveer 350 mense kos en versprei byna R400 000. Die blikkies- en ander kos word as skenkings van gemeentelede ontvang. Vleis en groente word met kontant skenkings aangekoop en verskeie aksies ondersteun die bedienings.

In Pellissier gemeente is elke gemeentelid, as deel van die Pellissier geloofsfamilie, God se hande en voete in die wêreld sodat ons mekaar en ander met die gesindheid en boodskap van Jesus Christus kan bedien.”
‘n Relevante gemeente in ‘n wêreld wat verander- op só 'n manier dat ons Skrif-getrou bly.  Dit is vir ons belangrik dat almal moet deel voel van die Pellissier-geloofsfamilie. ’n Familie waar jy kan tuis voel, kan bedien en ook geestelik versterk en toegerus kan word. Ons gaan jou uitdaag en uitstuur om 'n verskil in die wêreld te maak! In Pellissier glo ons dat die Here ons seën om vir ander tot seën te wees.